Maria est morta!
Como "s'anninia" cantat in chelu
in pes de su Segnore.
Maria est morta!
Restat su dolore, su lamentu
de custa terra mia.
Su corpus solo hat fattu s'isparia
subra s'ala maligna 'e su tumore;
ma sa fama, sa oghe cun s'onore
viven pro sempre e, tue, pares' bia.
Tue ses morta, ma non morit gai
s'acutu de sa oghe preziosa,
ca fis'una sirena incantadora.
Cantas Maria, si, cantas ancora
subra su palcu frittu de sa losa
s'Ave Maria. E non moris mai.
Pinna Ant.Maria 1997
