Ave Maria
In pe' de cust'altare
m'inchino ressinnadu
perdona 'onzi peccadu
.......... oh Maria.
Si custa vida mia
es' 'istada che unda
custa pena profunda
........... mi perdona.
Oh mama, mama 'ona
chi ses mama 'e tottu
e has' males connottu
.............. in sa vida.
cust'anima ferida
de peccados mundanos
carigna cun sas manos
............ e perdona.
Inchinad'in sa trona
cun sos chizzos sinnados
cunfesso sos peccados
............ e piango.
perņ no' mi che frango
da' sa bellesa rara
oh mama, mama cara
.............. mama mia.
Oh verginella pia
a babbos e a fizzos
beneighe sos chizzos
......... peccadores.
Si mattan' e suores
no' ti paren' bastantes
azzetta sas costantes
......... lagrimas puras
E subra sas alturas
de chelos isteddados
tantos coros sulcados
......... leachelos.
E pro te in sos chelos
happo a cantare ancora
s'anninnia-nonnora
.......... s'Ave Maria.
