Muttos de amore
Un'isteddu minore
est affac'a sa luna
chi pared'un'istella.
Intr'e Puttumajore
no chend'had'atteruna
coment'e tue bella.
Sa pira camusina
l'ha battida s'ebreu
beni'da Illorai.
Sa chi fatto reina
de custu coro meu
no l'abbandono mai.
S'andas a soldadare
mi lassas cussu coro
ca piaghed'a mie.
Deo t'happo a mandare
dae su Logudoro
saludos ogni die.
Sa pramma Padriesa
mi l'happo a piantare
intr'e custu giardinu.
Sa Puttumajoresa
già l'hamos a coggiare
cun d'unu prinzipinu.
Cantones de amore
tenet Billia Fara
las bendet'ogni die.
Solu Puttumajore
una bellesa rara
la tenet che a tie.
