PEDRAS! Solu pedras e carenas
in custa terra mia c'hat restadu.
Su chervu est mortu, ch'est ruttu brujadu
cun d'unu tunciu ch'urpilat sas penas!
Sa morte, cun sas bertulas pienas,
su brione 'e sa vida nd'hat messadu;
riet cuntenta ch'hat iscorratzadu
in montes birdes, in baddes amenas.
E riet puru sa malefadada
barbara manu ch'hat postu su fogu
a sas forestas, a sas birdes edras.
Pobera terra a luttu cuguddada,
pro te canto s'attittu in custu logu
cun lagrimas chi samunen sas pedras!
Pinna Ant.Maria 1995
